Texte zu den Liedern von "Wyt drüberuus"

• Puureläbe
• Lioba
• Zwüsched Bèrg
• Es bitzli läbe
• Staatskund

1. Früeh uf u gäng spät nider
   itz schnäll u spring gly wider
   so geit es bi üs Bure
   u doch sy mir nid z duure
   
   
2. di Lüt wo bschdändig chlage
   tüe sich ja sälber plaage
   hingäge chaisch dy schicke dry
   blybsch gsung u wirsch no alt drby

Inhaltsverzeichnis

Les jolies filles de colombetes de bon matin s en vont deja
Les belles femmes de colombetes de bon matin s en vont déjà

Lioba lioba por aria

Christine, colette, lise belle, odette la grande, anne la ronde, regine la sage, reine des ages
A la montagne, c est la fete !

Lioba lioba por aria

Musik: Trad. / Text: Christine Lauterburg

Inhaltsverzeichnis

1. Zwüsche Bärg im töife Tal sassen mal zwei Hasen
   frassen ab, das grüene Gras no bis ufe Wasen.
   
   
2. Ufe Wase-n nid ellei nei o bis uf d Ärde
   Bisch emal mis Schätzli xy chasch es widerum wärde.
   
   
3. O du mi liebe Schatz mach mir doch e Meie
   Nei e Meie mach dir nid s’ chönnt mir alls vergheie.
   
   
4. Chumm doch lieber mit mir mit lah doch alls lah fahre
   Wie i frömdi Lande gah wei dört alls erfahre.
   
   
5. Drü bruuni Nägeli guldgälbi Syde
   Hättsch e Meie für mi gmacht wär i bi dir blybe.
   
   
6. Aber so gahn i mi wäg s’ chamers nüt ustrybe
   U wo mi Schatz nid isch ha ou i kes blybe.

Musik: Trad. / Text: Trad. mit Erweiterungen von Christine Lauterburg

Inhaltsverzeichnis

1. Möcht no es bitzeli läbä jawohl das möcht i gärn so langs no roti rösli git
   So langs no roti bäckli git zum stärbe ischs no z früeh zum stärbe ischs no z früeh
   
   
2. Möcht no es bitzeli tanze jawohl das möcht i gärn so lang mr d sunne schyt uf ds huus
   So tönt mis lied zum fänschter us hett z liedli no ä värs hett z liedli no ä värs
   
   
3. Möcht no es bitzeli singe jawohl das möcht i gärn so lang dr vogel z gsätzli singt
   So lang dr wind es äschtli schwingt tanzt wohl es füessli mit tanzt wohl es füessli mit

Musik: Casimir Meister 1869 / Text: Josef Reinhart

Inhaltsverzeichnis

Die erschti Stund Staatskund mache mir am Bundesplatz
Nummer 3 isch z Bundeshuus-Nummer 1 u 2 sy Banke
Dä wos xeet, dä chunnt grad drus: Hiä-regiert dr Franke!

Juzz

Die erschti Stund Heimatkund mache mir im Heimatland
D Manne dörfe Fahneschwinge-d Froue dörfe drüber singe
Gäuet dasch doch Hans was Heidi-ups-es dörfe Beidi!

Juzz

Die erschti Stund Mönschekund mache mir grad hie u jitz
D Schuel vom Läbe duuret Stunde-zämegfasst i zwöi Sekunde
Säge mir ganz explizit: löht öich Zyt!

Juzz

Musik: Christine Lauterburg / Text : Housi Wittlin

Inhaltsverzeichnis